?

Log in

No account? Create an account

նախորդ գրառումս | հաջորդ գրառումս

ԹԱՐՄԱՑՈՒՄ։ բոլոր ստեղնաշարերն ու համապատասխան ուղեցույցները առանձնացրել եմ այստեղ՝ soft.ovanitas.com

Ատելությունս առ տրանսլիտ գնալով աճում է՝ ուղիղ համեմատական արդեն շենքերի պատերի վրա, գրիչով գրառումներում լատինատառ հայերենի հայտնվելու գնալով ահագնացող դեպքերին։ Այսինքն էս երևույթը դադարել է տեխնիկական սահմանափակումներից բխող և հետևաբար այընտրանք չունեցող լուծում լինել. այն սկսել է մշակույթի մաս դառնալ։ Ըստ իս սա շատ վատ երևույթ է, ավելի վատ, քան գազի գնի թանկացումը, Մաքսային միության անդամակցությունը և Գալուստ Սահակյանի բոլոր հարցազրույցները միասին վերցրած։ Այսինքն՝ տիեզերքի չափ վատ։ Գոնե՝ տեսանելի տիեզերքի։ Ու էս ամենը՝ հայրենի կառավարության՝ Հայաստանը տեղեկատվական տեխնոլոգիաների կենտրոն դարձնելու համատեքստում։ Էդ՝ ոնց որ կոշկակարը բոբիկ ման գա, որևէ հարկայինի պետ ազնվությունից խոսի, կամ մշակույթի նախարարը՝ մշակույթից։ Աբսուրդ։

Ցայսօր չունենք համակարգիչների ֆիզիկական ստեղնաշարերի վրա հայերեն տառերի նշման՝ պետության կողմից ներկայացվող պահանջ։ Հարգելի օլիգարխ-մոնոպոլիստներ, Ձեզ եմ դիմում։ Կառավարությունը սա էդպես էլ չի անելու, գոնե դուք արեք (ջհաննամը թե գերշահույթ չեք ստանա)։ Ուշադրություն. դնում եք ստեղնաշարի արտադրության ցեխ ու արտադրում հայերեն տառերով ստեղնաշարեր։ Բայց էնպես, որ մայքրոսոֆթի, օրինակ՝ գրամեքենայական ստեղնաշարի հետ բռնի։ Հետո քացով բացում եք համապատասխան չինովնիկի (անկախ ռանգից) աշխատասենյակի դուռը (չեք արե՞լ էտենց բան. տո սուտը...) ու պարտադրում, որ մի կարգ հորինեն, ըստ որի հայերեն տառեր չունեցող ստեղնաշար ծախելը դրամարկղային չեկ չտպելու պես մի բան է. մենակ մի քանի մոսկվիչկայատիպ խանութ կարող են անել, բայց դա հեչ։ Կարևորը, որ մնացածները կսկսեն վաճառել հայատառ ստեղնաշարերով համակարգիչներ։

Սա «հարդի» մասով։ Հիմի անցնենք «սոֆթին»։

Ձեր խոնարհագույն ծառան, այսինքն ինքզինքս, դարերի խորքից տքնում էր հայկական ստեղնաշարեր թողարկելու սուրբ գործի վրա ու 6 անգամ տքնելուց հետո էսօր 7-երորդ անգամ տքնեց։ Այսինքն՝ տքնեցի (իմ մասին երրորդ դեմքով երկար գրեմ, կմտածեք ԲՀԿ-ական եմ)։ Տքնելու պատճառը մի շարք համաքաղաքացիների իրավացի բողոքն էր, որ հայերեն ստեղնաշարի իմ հինգերորդ տարբերակում լատինատառ միջակետը տարել էի թվային ստեղնաշարի վրա, հիմնական մասում թողնելով հայկականը (որն, ի դեպ, ինչպես էսօր պարզեցի, էնքան էլ հայկական չէր, գլխիս չխփեք)։ Սա խնդիր էր ստեղծում մի շարք հայերեն տառատեսակների հետ հատկապես լափթոփատերերի մոտ, որոնք, էդ տառատեսակներից օգտվելու դեպքում ստիպված պիտի լինեին num lock-ով ակտիվացնել թվային ստեղնաշարը, էդ կետը խփել ու հետ գալ։ Հակառակ դեպքում քառակուսի նշան էր երևում։

Սույն գրառմամբ ներկայացնում եմ թվով վեցերորդ հայերեն յունիքոդ ստեղնաշարը, որտեղ սա ուղղված է։

ստեղնաշար

Դիմավորե՛ք. Armenian Unicode Phonetic layout v1.7

Նախկին տարբերակներից օգտվողները նախապես պետք է Programs/uninstall a program միջոցով հեռացնեն “Armenian Unicode Phonetic – PV(v1-x)” ծրագիրը (որտեղ x-ը տարբերակի համարն է)։ Համակարգչում կիրառելու ձևը, հուսով եմ, հիշում եք.

1. Պետք է նախ համոզվել, որ գտնվում եք windows օպերացիոն համակարգում։ Համոզվելու համար պետք է քանդել համակարգչի բլոկը, առանձնացնել բաղադրիչները, մաքրել, փոշեծծել (սորրի), ետ հավաքել, միացնել հոսանքին, անթարթ հետևել մոնիտորին, եթե միանալուց վրան microsoft windows գրեց, որեմն համոզվեցիք։ Հիմա կհարցնեք՝ բա քանդելն ու փոշեծծե՞լը ինչներիդ էր։ Ասեմ. ուղղված էր համընդհանուր մաքրությանն ու համակարգչի լավ աշխատանքին։ Դրանից վնաս չկա։

2. Էն վերևի կարմիր (հարգելի դալտոնիկնե՛ր ու մոնոքրոմ մոնիտորներ օգտագործող համաքաղաքացինե՛ր, կարմիրից բացի այն նաև տակը գիծ ունի) հղումը պետք է սեղմել ու սույնով ներբեռնել arm-u-p7.zip ֆայլը, սա unzip անել որևը պանակում։

3. Անհրաժեշտ է աշխատեցնել դրանում առկա setup.exe ֆայլը (նիշքը)։ Մինչև ֆեյսբուքի մի քանի ստատուս լայքեք, էկրանին կհայտնվի հաստատմամբ հաղորդագրություն։

4. Եթե հետագա ակտիվացման հետ խնդիրներ կան կամ եղանակը չգիտեք, առաջարկում եմ կրդալ էս պոստը, որտեղ ամեն ինչ մանրամասն նկարագրված է ու օգտակար հղումներ էլ կան։

Ստեղնաշարի շարվածքն էսպիսին է՝

Կարճ՝ սույն ստեղնաշարի՝ առաջին հայացքից չերևացող հատկությունների մասին։

6 – «(» փակագիծ
SHIFT+6 – «)» փակագիծ
SHIFT+«-» – «» երկար գծիկ (m-dash)
CTRL+ALT+«-» – «֊» ենթամնա
SHIFT+«'» – «՚» հայկական ապաթարց
«;» – «» հայկական միջակետ
SHIFT+«,» – "«" չակերտ
SHIFT+«.» – "»" չակերտ
SHIFT+«7» կամ CTRL+ALT+«4» – «֏» ՀՀ դրամի նշան
CTRL+ALT+«=» – «=» հավասարման նշան
SHIFT+«;» – «։» հայկական վերջակետ
Եթե կարմիրով ներկված (դալտոնիկնե՜ր, աո՜ւ) նշանների փոխարեն քառակուսի եք տեսնում, ուրեմն ձեր մոտ էլ տառատեսակի խնդիր կա։ Առաջարկում եմ այցելեք էստեղ։

Էլ չեմ երկարացնում։ Ամեն դեպքում առաջարկում եմ ներքոհիշյալ գրառումը կարդալ. օգտակար հղումներ կան, որ կարող է և պետք գան՝ ascii-ից unicode փոխարկման, տողադրաձի և այլ նման հնարավորություններով։ Հարցեր լինեն, գրեք։ Սույն բլոգում կամ էստեղ՝ https://www.facebook.com/ovanitas

ԹԱՐՄԱՑՈՒՄ. էս պոստում 1.6 տարբերակից սղղալով ու անձայն անցա 1.7, որտեղ կամրադ xelgen-ի օգտակար խորհուրդներն էլ են հաշվի առնված (տե՛ս մեկնաբանությունները)։ Շնորհակալություն իրեն։

ԹԱՐՄԱՑՈՒՄ. բոլոր ստեղնաշարերը մեկտեղել եմ այստեղ։



Comments

( 55 միտք — մի բան գրի )
ext_2049436
Dec. 4th, 2013 05:29 am (UTC)
Ձեր գրառումը տեղ գտավ www.BlogNews.am կայքում: Շնորհակալություն:
tigrangalstyan
Dec. 4th, 2013 08:04 am (UTC)
օ՜ վանիտաս
ջան եմ ասել էէէէ՜
ovanitas
Dec. 4th, 2013 08:27 am (UTC)
Re: օ՜ վանիտաս
ջա՜ն ասենք, ջա՜ն լսենք... :)))
nagval_ashot
Dec. 4th, 2013 10:23 am (UTC)
Ձեր գրառումը տեղ գտավ մեր սրտերում:
Այդ կետը քառակուսի էր դնում նաև սկապյի մեջ, չգիտեմ թե ինչի:
Շատ ապրես!
ovanitas
Dec. 4th, 2013 10:47 am (UTC)
հենց նույն պատճառով, որ սկայպի տառատեսակը էդ միջակետը չուներ։
Շնորհակալ եմ ;)
varujeans
Dec. 4th, 2013 10:38 am (UTC)
Աղա ջա՛ն, մի բան արեք, էն խնձորենու padատերերն էլ կարողանան հայատառ գրել, ինչ կլինի:
ovanitas
Dec. 4th, 2013 10:48 am (UTC)
է, բալամ, զոռ բան ես ուզում... դրա համար հազարան բլբուլի նույնանուն բմբուլն էլ դարման չի։ Անդրոիդ ռուլզ, մի խոսոքվ :))
անվերնագիր - varujeans - Dec. 4th, 2013 11:06 am (UTC) - Expand
անվերնագիր - ovanitas - Dec. 4th, 2013 11:09 am (UTC) - Expand
անվերնագիր - hoca_vram - Dec. 5th, 2013 08:05 am (UTC) - Expand
arman666
Dec. 4th, 2013 10:54 am (UTC)
Իմ վերամշակած KdWin-ը քո մշակած ստեղնաշարից տարբերվում է ընդամենը դետալներով. 6-ի տակ թողել եմ ւՒ, լատինական u-ի տակ`աջ և ձախ պտտվող հավերժանշանները, ;-ի տակ` շեշտը, իսկ փակագծերը դրել եմ «'» նշանի տակ, տակի գիծն էլ` «_», դրել եմ չաղ կետի` «•»-ի տակ:

Edited at 2013-12-04 02:55 pm (UTC)
ovanitas
Dec. 4th, 2013 11:11 am (UTC)
FB-ում տեսա՝ պատասխանեցի, էստեղ էլ փեյսթ անեմ, քանի որ կարևոր եմ համարում KDWIN-ի թերագնահատումը բացառելը.

Վերամշակած ասելով, կարծում եմ՝ նկատի ունեք customise արած չէ՞, ոչ թե ծրագրային մակարդակով վերամշակած։
Հա, ինչ խոսք, KDWIN-ը պատմական անուրանալի դեր ունի հայատառ գրելու հարցում։ Ինքս էլ երկար տարիներ օգտվել եմ։ Սակայն այս դեպքում մի քանի հարց կա, որ էս մոտեցման դեպքում առավելություն կարելի է համարել (սա kdwin-ի օգտակարությունը ամենևին չի նսեմացնում)
1. առաջարկվող ստեղնաշարը վինդոուզի MSKLC համապատասխան ծրագրով է կառուցված և հանդիսանում է windows-ի բաղկացուցիչ մաս, հետևաբար հավելյալ հիշողություն չի տանում
2. Նույն պատճառով էլ ստեղնաշարը ճանաչում է լեզուն, որով տեքստը հավաքվում է, և համապատասխան ծրագիրը, օրինակ MS Word֊ը, արդյունքում, տվյալ տեքստը նույնպես «ճանաչում է» ճիշտ, հայերենի նկատմամբ հայերենին ուղղված, անգլերենի նկատմամբ՝ անգլերենին ուղղված գործողություններ իրականացնելով։ Այսինքն՝ հայերեն տեքստի տակ կարմիր զիգզագներ չի գծի, համարելով սխալ գրված անգլերեն, այլ կկիրառի հենց հայերենի ուղղագրության և քերականության ստուգումը
3. Ծրագրից - ծրագիր ստեղնաշարը կարող է հիշել լեզվի ընտրությունը։ Եթե ասենք վորդով գրում եք հայերեն, իսկ առանձին բացված լինգվո ծրագրում, օրինակ՝ ռուսերեն, ապա ամեն անգամ մի ծրագրից մյուսն անցնելիս պետք չի միաժամանակ փոխել լեզուն. ինքն ավտոմատ կփոխի։
Սա է։ Մնացած հարցերում լիակատար նման են։
hemanuch
Dec. 4th, 2013 11:49 am (UTC)
հահահահա
Շատ լավ էր, բա լինուքսի համար երբ պիտի մի կարգին բան լինի՞
xelgen
Dec. 4th, 2013 01:28 pm (UTC)
Re: հահահահա
Իսկ ի՞նչ խնդիր կա Լինուքսում եղած ստեղնաշարերի հետ։
Re: հահահահա - hemanuch - Dec. 4th, 2013 01:36 pm (UTC) - Expand
Re: հահահահա - xelgen - Dec. 4th, 2013 02:15 pm (UTC) - Expand
Re: հահահահա - hemanuch - Dec. 4th, 2013 02:20 pm (UTC) - Expand
Re: հահահահա - xelgen - Dec. 4th, 2013 07:00 pm (UTC) - Expand
Re: հահահահա - hemanuch - Dec. 4th, 2013 08:42 pm (UTC) - Expand
xelgen
Dec. 4th, 2013 02:12 pm (UTC)
Օվանիտաս ջան, մեռնեմ տեբյու, FULL STOP-ը միջակետ չի, ոչ մի դեպքում, նախադասությունը միջակետով չենք ավարտում էլի։

Եթե մարդիկ քառակուսի էին տեսնում, նրանից է, որ հին, ոչ վալիդ տառատեսակներ են օգտագործում, ու դա տառատեսակի խնդիրն է։
Սենց քայլը էտ, մեր տեր ռուսների ասած «с больной головы на здоровую» անցկացնել է։

Քո նախորդ տարբերակը ճիշտ էր, ըստ Յունիքոդ ստանդարտի, այս մեկը ոչ։

SHIFT+«;» լատինական երկուկետ–ը, ինչների՞ն է պետք հայերեն տեքստում։ Մարդիկ էլի խառնելու են, ու վերջակետի փոխարեն երկուկետ դնեն։

Ապաթարցը սովորական մահկանացուներին պետք է, թե ոչ չգիտեմ, այն ժամանակին էր օգտագործվում արևմտահայերենում (կ՚սիրեմ), հիմա չի գործածվում, «ը»–է փոխարենը գվրում։ Կարծում եմ ապաթրացը պետք է միայն պատմական տեքստերի հետ աշխատողներին։
Այնտեղ, տարածված է հայերեն շեշտ դնելը, քո մոտ շեշտը, Շիֆթով է։

Ենթամնայի կարճ գծիկի փոխարեն օգտագործելը իմ մոտ կասկածներ է առաջացնում, բայց չեմ հասցրել դա ուսումնասիրել, կարծեմ այն պետք է տողադարձի ժամանակ, բայց ոչ բառերը գծիկով բաժանելուց։
Դու ի՞նչ որ բան գիտես էտ մի հարցով։

Բայց տրամաբանակն է որ շիֆթով լինի երկար գծիկը, m dash-ը, օրինակ, ուղիղ խոսքի ժամանակ հայերենում երկար գծիկ է օգտագործվում։
ovanitas
Dec. 5th, 2013 01:28 am (UTC)
Կամրադ ջան, շնորհակալ եմ արձագանքի համար։
Գիտեմ, որ ճիշտ ես ասում, բայց դե բողոքներին տեղի տվեցի ։( Սիրտս հանգիստ ա մենակ էն փաստից, որ միջակետն էլ կա՝ CTRL+ALT+«'»։ Կետի վրա չդրեցի, քանի որ վորդում by default CTRL+ALT+«.»-ը բազմակետի է վերածվում։ Հիմա բոլորին չէի համոզելու, որ դա անջատեն։ Սա է։
Երկուկետի մասով թերևս ճիշտ ես։ Կմտածեմ։ Մյուս վերսիայում կուղղեմ։
Ապաթարցը ինս կիրառում եմ երբեմն։ Հենց արևմտահայերենի կիրառման դեպքերում, կամ էդպիսի տեքստի կարգի բերման ժամանակ։ e-pub սարքելիս։
Ենթամնան շատ եմ սիրում։ Հենց հիմա գիրք եմ թվայնացնում ազատ ժամերիս ու ենթամնան հենց կիրառված է բառերն իրարից բաժանելիս։ Բայց ինքս էլ որոշել եմ մի հատ խորանամ դրա կիրառման հարցերի մեջ։
m-dash-ն էլ ընդունեցի։ Մյուս անգամ էդպես կանեմ։
Շնորհակալ եմ։
անվերնագիր - ovanitas - Dec. 5th, 2013 01:55 am (UTC) - Expand
անվերնագիր - xelgen - Dec. 6th, 2013 11:44 am (UTC) - Expand
անվերնագիր - ovanitas - Dec. 6th, 2013 12:10 pm (UTC) - Expand
IDN?! - Hrant Khachatrian - Feb. 19th, 2014 04:10 pm (UTC) - Expand
Re: IDN?! - xelgen - Feb. 19th, 2014 10:07 pm (UTC) - Expand
Re: IDN?! - Hrant Khachatrian - Feb. 20th, 2014 12:23 pm (UTC) - Expand
Re: IDN?! - xelgen - Feb. 20th, 2014 06:07 pm (UTC) - Expand
Re: IDN?! - Hrant Khachatrian - Feb. 21st, 2014 11:15 am (UTC) - Expand
Re: IDN?! - xelgen - Feb. 21st, 2014 01:11 pm (UTC) - Expand
Արտակ Աթեիստ Գաբոյան
Dec. 6th, 2013 03:25 am (UTC)
ՄԻ քանի նշում էլ իմ կողմից
1. ես 6-ի տակ փակող փակագիծն եմ դնում, որտև դա ավելի հաճախ ա օգտագործվում
ա) բ) գ)
2. քանի որ «ւ» առանձին երբեք չեմ օգտագործում, օֆիսում փորձել եմ u=«ու», U=«Ու» սարքել, հըլը սովորում եմ տենց գրել ։)
2. Ինչպես Xelgen-ը նշեց, հայերեն գրելիս լատինական երկու կետը հեչ պետք էլ չի, իսկ, օրինակ, կետ ստորակետ ինձ պետք գալիս ա։
3. Ես որ անցա հայերեն վերջակետին, հույս ունեի, որ word-ում հաջորդ նախադասությունը ավտոմատ մեծատառով կսկսի։ Ինչ-որ մեկի մոտ դա աշխատո՞ւմ ա, եթե հա, ո՞նց։
4. Ապաթարցին, ենթամնային նայում եմ չակերտների պես, դրանց հայկական տարբերակն էլ կա, բայց լատինական հատվածից օգտագործելն ավելի քիչ խնդիր ա առաջացնում, տեսքից էլ կամ նույնն են, կամ համարյա նույնն են։ Նախըտրում եմ թողնել լատինականները, որ հետո էլ չսկսկեմ տառատեսակ թարմացնելը բացատրել։ 7-ի տակ հըլը ոչինչ, բայց հիշի XP-ով ինչ ջանջալ բան ա։
ovanitas
Dec. 6th, 2013 03:36 am (UTC)
Re: ՄԻ քանի նշում էլ իմ կողմից
1-ին կետդ ահագին հետաքրքիր էր, կարելի ա կիրառել։
2-ն էլ կարող ա աշխատի։ Կարծում եմ սովորելու վրա ա։
Լատինատառ երկու կետը թողել էի բացառապես զմայլիկների ։) համար, որ ավտոմատ փոխակերպում լինի համապատասխան ծրագրերում ու փլագիններում։ 7-րդ տարբերակում հանեցի՝ տես Xelgen կամրադին արած երկրորդ մեկնաբանությունս, էնտեղ հղուն էլ կա։
3րդ հարցի պատասխանը չունեմ, քանի որ չեմ խորացել։ բայց կարծում եմ հնարավոր կլինի մի լուծում գտնել։
Շնորհակալ եմ մեկնաբանության համար
salamandroidea
Jan. 5th, 2014 03:59 pm (UTC)
Առաջարկ
Առաջարկում եմ 1.7 տարբերակի փաթեթը դնել ոչ թե RAR արխիվի մեջ այլ ZIP, հասկանալով, որ ոչ ոլոր համակարգերում կա WinRAR ծրագրային փաթեթը։
ovanitas
Jan. 6th, 2014 04:44 am (UTC)
Re: Առաջարկ
Առաջարկն ընդունված է, փոփոխություններն արված են ;)
Շնորհակալություն
Aram Palyan
Jan. 13th, 2014 04:49 am (UTC)
Հարգելի Օվանիտաս
Դուք շատ կարևոր գործ եք անում։ Ես էլ վերջերս սկսեցի հանգել այն մտքին, որ ֆոնետիկը պետք է հասցնել մաքսիմալ կատարելության ու ստանդարտացնել որից հետո կարելի է սկսել Մայքրոսոֆթից պահանջել որպեսզի նա հայերենում ավելացնի երկու շարվածք Phonetic և Typewriter: Այդ ստանդարտին պետք է միանան մաքսիմալ քանակով հայերեն շարվածքներ ստեղծողներ ու նաև ԿԴՎինը։

Հիմա հերթով
1. Դրամի նշանը 7-ի վերևում +1000
2. Փակագծերը 6-ում +100, ես ուրիշ տեղ էի մտածում բայց սա էլ է լավ տարբերակ։
3. Ապաթարցին շատ ճոխ տեղ է հատկացված, որը իմ կարծիքով լրիվ ավելորդություն է ներկայիս տեսանկյունից։ Այն հանգիստ կարող է գնա Աջ ԱԼՏ-ի տակ։
4. Հայերեն միջակետի հարցը կարիք ունի մտածելու, ես հիմա դեռ վերջնական կարծիք չունեմ։
5․ Երկար գիծը լավ է, բայց այն մեջտեղում է տառերի, իսկ որտեղ գտնել երկար գիծ ներքևում, որը հայերենում նույնպես շատ պետք է։
5. Եվ վերջապես իմ համար ամենացավոտ հարցը։ Հայերեն Ր տառի հարցը։ Ես հայերեն Ր տառը օգտագործում եմ R-ում։ Ու դա անհամեմատ հարմար է։ Նախկինում գրել եմ 8-ում, ու միշտ դիսկոմֆորտ եմ զգացել։ 8-ում Ր տեղադրելը եղել է սխալ, որը ԻՄՀԿ հակասել է ֆոնետիկության գաղափարին։ Իմ կարծիքով պետք է մի հատ հարցում անել տեսնել, որն է ավելի տարածված այժմ։

Եթե առաջանա վերջնական ստանդարտ, ապա կարող եմ քննարկել Lezu.am կայքի հետ և այնտեղ ձեր ստեղծած շարվածքին կհաղորդվի հավելյալ կիսապաշտոնակություն։ Լեզու․ամ-ն էլ իր վրա կվերցնի Մայքրոսոֆթին դալբիտ անելու խնդիրը։

ovanitas
Jan. 13th, 2014 05:08 am (UTC)
Շնորհակալություն մեկնաբանուիթյան համար․ Փորձեմ անդրադառնալ բոլոր կետերին՝

Նախ՝ ֆոնետիկի կատարելության հասցնելու խնդիր ես չեմ դնում, քանի որ կարծում եմ, որ հայերենը պետք է տարածվի գրամեքենայական շարվածքով, ինչն ավելի տրամաբանական է, բայց լուծումներ է պահանջում, որոնք, ցավոք, դեռ չկան։ Եղած պայմաններում, այո, իրավիճակը հարթում է ֆոնետիկը։

Մայքրոսոֆթը windows 7-ից սկսած ֆոնետիկ առաջարկում էր, բայց 7-ում ինչ որ անհասկանալի շարվածք էր՝ հայաստանցիներիս համար անտրամաբանական․ Էս հարցը 8-ում լուծվել է. ֆոնետիկ կա ու մեր իմացածն է։ Բացակայում են կետաֆդրական որոշ նշաններ։

Կետ 3. ապաթարցը ես հաճախ եմ կիրառում, էստեղից էլ իր ներկա դիրքը։

կետ 5. Երկար գիծը իրականում շատ օգտակար է (շնորհակալություն կամրադ Xelgenին հուշման համար) քանի որ ուրիշի ուղղակի խոսքում սրա փոխարեն կարճ գծիկն էինք կիրառում, ինչը սխալ է։

Կետ 5. «Ր»-ի հարցում կամաց-կամաց գալիս եմ էդ որոշմանը, կարծես։ Սա վաղուց ե ասվում, բայց մի տեսակ ձեռքս չէր գնում տեղերը փոխելու, քանի որ ինքս սպես եմ սովոր տպել։ Կմտածեմ ու գուցոև փոխեմ։ Շնորհակալություն։

Վերջնական ստանդարտի մասով՝ տես նախաբանս․ Կարծում եմ պետք է քննարկել գրամեքենայականն առաջ բրդելու թեման։ Սա վերջնական ու ճիշտ լուծում կլիներ։

անվերնագիր - Aram Palyan - Jan. 13th, 2014 05:35 am (UTC) - Expand
անվերնագիր - ovanitas - Jan. 13th, 2014 05:43 am (UTC) - Expand
անվերնագիր - Aram Palyan - Jan. 13th, 2014 10:16 am (UTC) - Expand
անվերնագիր - Aram Palyan - Jan. 13th, 2014 10:26 am (UTC) - Expand
անվերնագիր - ovanitas - Jan. 15th, 2014 04:46 am (UTC) - Expand
անվերնագիր - Aram Palyan - Jan. 17th, 2014 11:01 am (UTC) - Expand
Aram Palyan
Jan. 16th, 2014 05:08 am (UTC)
Գրամեքենայական շարվածքի մասին ես լրիվ համաձայն եմ։ Պետք է արտադրել, օրենքով պարտադրել հիմնարկներին, չենթարկվողներին էլ տուգանել, մտրակել քառատել :) Այդտեղ հարց չկա։

Խնդիրը մի քիչ այլ է։
+Տպագրական շարվածքով ստեղնաշար հնարավոր չի լինի ապահովել նոթբուքերում ու նեթբուքերում։
+Տպագրական շարվածքի ստեղնաշար չեն ունենա արտասահմանում ապրող կամ թեկուզ ժամանակավոր հայտնված հայերը։
+Տպագրական շարվածք կարող է ինչ ինչ պատճառներով չունենան Հայաստանում ապրող հայերը, որոնք իրենց կոմպը նվեր են ստացել դրսից, բերել են դրսից, կամ ուղղակի հենց խանութում չեն ուզում առնել հայերեն տառերով, ուզում են ռուսերենով։ Հետո ես դժվար եմ պատկերացնում թե ոնց հնարավոր կլինի օրենքով բոլոր անհատներին ստիպել ունենալ տպագրական շարվածքով ստեղնաշար։
Այս բոլոր խմբերը միասին վերցրած հանգիստ կարող են անցնեն 50 տոկոսը։ Ի դեպ շարվածքում տոկոսի նշան դիր։ ԱԼՏի տակ։

Բացի դրանից կա նաև այսպիսի խնդիր , ստեղնաշար ստեղծելուց այն շատ ցանկալի է, որ Մայքրոսոֆթի հետ սերտ համագործակցվի։ Որ չլինեն սխալներ, որ Մայքրոսոֆթը ապահովի դրայվերներով։ Բայց կապահովի նա արդյոք Վին 7-ի, Vista, XP-ի համար գրամեքենայական դրայվեր․․ եսիմ․


Այս բոլորից էլ հետևում է, որ Ֆոնետիկը դեռ երկար կյանք է ունենալու։ Ու նույնիսկ տպագրական ստեղնաշարի դեպքում նրանք ոչ թե իրար կփոխարինեն այլ համատեղ կգոյակցեն, ոնց որ գոյակցում են Ռուսաստանում ֆոնետիկը ու տպագրականը, ոնց որ գոյակցում են ԱՄՆ-ում QWERTY-ն ու DVORAK-ը։

Հիմա մնում է ընդամենը մի փոքրիկ քայլ արվի, դա ֆոնետիկը հղկվի ու ստանդարտացվի։ Որն էլ համարյա թե դու արել ես։ Այնտեղ մի քանի մանր հարցեր են մնում, միջակետը, Ր-Ռ-ն , ապաթարցը։ Ու մի շատ դժվարոտ հարց առանձին ՈՒ ունենալու չունենալու հարցը։ Սա բարդ խնդիր է, Կուզենայի Ալեքսեյի կարծիքն էլ լսել։

հ․գ․ Եթե քեզ ապաթարց է պետք, ապա պարտադիր չի որ դու քո ստանդարտով աշխատես, քո համար կունենաս քոնը, բայց ժողովրդին պետք չի ապաթարցով չարչարել։ Առանց այն էլ բազմաչարչար ենք :) ԻՄՀԿ

Edited at 2014-01-16 09:09 am (UTC)
ovanitas
Jan. 16th, 2014 09:50 am (UTC)
Որ Հայաստանից դուրս ապրողները կամ անմիջականորեն համակարգիչ/նոթբուք ներկրողները խնդիրներ կունենան, փաստ է։ Դրա հետ իհարկե վիճել չի կարելի։ Ուրիշ բան, որ նույն Ռուսաստանում դեռ էն հին ինսունականներին տեղացիների համար ուրիշ լուծում էին առաջարկում. ստեղների վրա ռուսական տառերի լազերային նշագրում, ինչը շատ հավաք տեսք էր տալիս։ Արտըասահմանում ապրողների համար լուծումը երևի թե մնում է հնչյունայինը։ Լիովին համաձայն եմ։

Այստեղից էլ, ինչպես իրավացիորեն նշում ես, գալիս է հնչյունայինը հղկելու կարքիը։

Տոկոսի նշանի մասին դիտողությունդ անմիջապես ընդունեցի։ Կավելացնեմ։ Ապաթարցի մասով մնում եմ նույն տեսակետին գոնե հենց այն պատճառով, որ ինքը ուրիշ նշանի տեղ չի զբաղեցնում. կա թե չկա ոչինչ չի փոխում։ «ՈՒ» առանձին թեմա է ու իրոք քննարկման կարիք կա։ Ընդ որում՝ ընդլայնված քննարկման։ Ր-Ռ՝ մասով կարելի է քվեարկություն ու բաց քննարկում կազմակերպել։ Եթե մեծամասնությունը պնդի որ էդպես ավելի ճիշտ է, տեղի կտամ։ Ինչու եմ սա ասում. քանի որ կարծում եմ, որ փոխելու դեպքում շատերը կսկսեն նեղսրտել անհարմարությունից։ Մոտակա ժամանակներս մի քիչ թեթևանամ, փորձենք քննարկում նախաձեռնել էս թեմաներով։
Xelgen-ի խորհուրդները, ինչպես միշտ, are most welcome :)
Davit Galstyan
Jan. 31st, 2014 05:49 am (UTC)
Մի հատ խնդրանք Օվանիտաս ջան: Եթե հնարավարություն կա բացի ստանդարտ qwerty ստեղնաշարի համար հայերեն յունիքոդ ֆոնետիկի հարմարեցումից կարելի է՞ azerty ֆրանսիական ստեղնաշարի վրա համապատասխան հավաքել հայերեն տառերը:
Շնորհակալ եմ
ovanitas
Jan. 31st, 2014 12:43 pm (UTC)
Հենց մի պուճուր ազատ ժամանակ լինի, անպայման կանեմ։
nshan1
Mar. 4th, 2016 01:53 pm (UTC)
միամիտ հարց
էս ամեն ինչը open source չենք անու՞մ
։)
ovanitas
Mar. 7th, 2016 04:35 am (UTC)
Re: միամիտ հարց
open source է, բա ինչ է։ Ցանկացած ստեղնաշար ինսթալ անելուց հետո կարելի է MKLC ծրագորվ բացել, դզել փչել։
Re: միամիտ հարց - nshan1 - Mar. 7th, 2016 07:22 am (UTC) - Expand
Re: միամիտ հարց - ovanitas - Mar. 10th, 2016 06:19 am (UTC) - Expand
( 55 միտք — մի բան գրի )

վերջին ամիսը

October 2016
S M T W T F S
      1
2345678
9101112131415
16171819202122
23242526272829
3031     

պիտակներ

հղումներ

Powered by LiveJournal.com